Framkvæmdastjóri Total lést í flugslysi

Christophe de Margerie, framkvæmdastjóri franska olíurisans Total, lést í flugslysi í Moskvu í gærkvöldi. Í frétt BBC segir að flugvél fyrirtækisins hafi klesst á snjóruðningstæki og orðið alelda. Allir fjórir sem voru um borð í vélinni létust.

Að sögn rússneskra fjölmiðla segir að maðurinn sem stýrði snjóruðningstækinu hafi verið ölvaður.

De Margerie tók við framkvæmdastjórastöðu Total árið 2007 og var mikils metinn innan olíugeirans.

Francois Hollande Frakklandsforseti segir í tilkynningu að Christophe de Margerie hafi helgað frönskum iðnaði lífi sínu, átt stóran þátt í að byggja upp fyrirtækið Total og gert það að einu af stærstu fyrirtækjum heims.

Í tilkynningu frá Vladimír Pútín Rússlandsforseta segist hann hafa kunnið að meta viðskiptavit de Mergerie og hvernig hann vann meðal annars að bættum tvíhliða samskiptum Rússlands og Frakklands.

De Margerie hóf störf hjá Total árið 1974 eftir að hann útskrifaðist frá Ecole Superieure de Commerce skólanum í París.