Svona fór Hamilton að því að vinna Rússlandskappakstrinum - myndband

Stöð 2 Sport sýndi beint frá Formúlu 1 kappakstrinum í Rússlandi í dag og eftir kappaksturinn var farið yfir það helsta sem gerðist í keppninni sem fór nú fram í fyrsta sinn í Rússlandi. Nú er hægt að sjá Samantektarþáttinn hér inn á Vísi.

Lewis Hamilton vann öruggan sigur, sinn níunda á tímabilinu og er því með 17 stiga forskot á liðsfélaga sinn Nico Rosberg þegar aðeins þrjár keppnir eru eftir. Þeir urðu enn einu sinni í tveimur efstu sætunum sem þýðir að Mercedes-liðið er þegar búið að tryggja sér heimsmeistaratitilinn.

Lewis Hamilton vann ekki aðeins níunda sigurinn sinn á tímabilinu heldur var þetta 31. keppnin sem hann vinnur í formúlu eitt. Hann jafnaði þar með breska metið sem Nigel Mansell var búinn að eiga í langan tíma.

Rúnar Jónsson og Kristján Einar Kristjánsson fóru yfir hvað gerðist í rússneska kappakstrinum í Sotsjí í dag og það má sjá allan þátt þeirra, við Endamarkið, með því að smella á myndbandið hér fyrir ofan.