Leikstjórinn Baltasar Kormákur leikstýrir kvikmyndinni Reykjavik samkvæmt heimildum Vísis. Myndin fjallar um leiðtogafund Ronald Reagan, forseta Bandaríkjanna og Michael Gorbachev, leiðtoga Sovétríkjanna, sem fram fór í Höfða árið 1986.
Viðræður hafa staðið yfir við Baltasar síðan um mitt þetta ár og nú ku samningar vera í höfn. Ridley Scott átti upprunalega að leikstýra myndinni en í ágúst árið 2012 var það tilkynnt að Mike Newell myndi setjast í leikstjórastólinn. Í maí á þessu ári sagði tímaritið Variety hins vegar frá því að viðræður væru hafnar við Baltasar.
Cristoph Waltz fer með hlutverk Gobachev í myndinni en Michael Douglas leikur Reagan.
Ekki náðist í Baltasar við vinnslu fréttarinnar.
Baltasar leikstýrir myndinni um leiðtogafundinn
Tengdar fréttir
Kvikmyndin Reykjavik - Stór mynd með stórum stjörnum
„Við erum búinn að vera að vinna í þessu verkefni mjög lengi og höfum sinnt mikilli rannsóknarvinnu. Við höfum rætt við fólk sem kom að þessum fundi, bæði á Íslandi, í Bandaríkjunum og Rússlandi,“ segir Stewart MacKinnon, einn af aðalframleiðendum kvikmyndarinnar Reykjavik.
Höfði pantaður í tökur með Michael Douglas
Stórleikarinn Michael Douglas segist afar spenntur að fá að leika Ronald Reagan í kvikmynd um leiðtogafundinn í Reykjavík.
Leiðtogafundurinn gott efni í hasarmynd
Leikstjórinn Ridley Scott ætlar að gera bíómynd um leiðtogafundinn í Höfða árið 1986. Scott segir fundinn gott efni í hasarmynd. Hann hafi markað upphafið að enda kalda stríðsins, og veiti auk þess tækifæri til að skoða tvo af áhrifamestu leiðtogum 20. aldarinnar.
Vill frumsýna myndina um leiðtogafundinn á næsta ári
Stórleikstjórinn Ridley Scott segist eiga von á því að hægt verði að frumsýna myndina um leiðtogafundinn í Höfða snemma á árinu 2009. Nú er verið að skrifa handritið að myndinni, samkvæmt því sem fram kemur á vefnum Hollywood Reporter.
Reykjavík verður kvikmynd um sigur mannsandans
Kvikmyndin Reykjavík verður um sigur mannsandans að sögn Mike Newell, sem mun leikstýra þessari stórmynd sem draumasmiðjan ætlar að gera um leiðtogafundinn heimsfræga sem átti sér stað hér á landi árið 1986.
Skúrkurinn úr Inglourious Basterds leikur Gorbachev í Reykjavík
Christoph Waltz, sem fékk óskarsverðlunin fyrir að leika nasistaforingja í myndinni Inglourious Basterds mun leika Mikhail Gorbachev, fyrrverandi forseta Sovétríkjanna, í myndinni Reykjavík. Það er Mike Newell sem leikstýrir myndinni, en eins og áður hefur komið fram mun Michael Douglas leika sjálfan Ronald Reagan, fyrrverandi forseta Bandaríkjanna. Eins og fram kemur á vefnum Variety fjallar myndin um leiðtogafundinn í Höfða, sem haldinn var árið 1986 og er oft sagður hafa markað upphafið af endalokum Kalda stríðsins.
Kvikmynd um leiðtogafundinn í Höfða í undirbúningi
Framleiðendur í Hollywood eru að undirbúa kvikmynd um leiðtogafundinn í Höfða. Hugmyndir eru um að Warren Beatty leiki Ronald Reagan og Anthony Hopkins leiki Mikael Gorbatsjov. Fulltrúar Clints Eastwoods og breska leikstjórans Ridleys Scott hafa fundað með fulltrúum Reykjavíkurborgar um málið.
Hollywood-stjörnur í mynd um leiðtogafundinn
Kvikmyndin Reykjavík, sem fjallar um leiðtogafundinn í Höfða árið 1986, er í undirbúningi í Hollywood. Hver mun leika hvern í myndinni?
Baltasar leikstýrir hugsanlega Douglas og Waltz
Baltasar Kormákur mun hugsanlega leikstýra myndinni Reykjavík en þetta kemur fram í bandarískum miðlum í dag.
Leiðtogafundurinn á hvíta tjaldið
Breski leikstjórinn Ridley Scott virðist hafa tekið miklu ástfóstri við Ísland. Samkvæmt erlendum kvikmyndavefjum tókust samningar milli framleiðslufyrirtækisins Headline Pictures og Scotts á kvikmyndahátíðinni í Cannes um að hann myndi leikstýra kvikmynd um leiðtogafund Reagans og Gorbatsjovs í Reykjavík.
Michael Douglas kemur líklega til Íslands
Viðræður standa nú yfir við stórleikarann Michael Douglas um að hann taki að sér að leika Ronald Reagan í nýrri kvikmynd sem mun fjalla um leiðtogafund Reagans og Gorbachev í Reykjavík árið 1986.
Tökum á „Reykjavik“ frestað
Kvikmynd um sögulegan leiðtogafund fer í tökur á næsta ári.
Höfði enn opinn fyrir Hollywood
Einhver bið verður á því að kvikmynd um leiðtogafund Ronald Reagan og Mikhail Gorbatsjov í Höfða árið 1986 verði gerð.
