Fyrsti leikur Liverpool í Meistaradeildinni í fimm ár var skrautlegur en enska liðið marði 2-1 sigur á Ludogorets eftir ævintýralegan lokakafla.
„Þetta var ekki frábær frammistaða en þó góð byrjun," sagði Dietmar Hamann, fyrrum miðjumaður félagsins..
„Liverpool spilaði ekki vel og kannski var svolítið vanmat í gangi því Liverpool var í vandræðum allan leikinn. Liðið náði aldrei að stýra leiknum almennilega og setja virkilega pressu á mark Búlgaranna.
„Það vantaði allt flæði í spilið og enginn taktur í leik liðsins. Kannski var líka svolítið stress. Margir höfðu ekki spilað áður í Meistaradeildinni og vissu að þessi leikur yrði að vinnast.
„Balotelli var pínulítið heppinn að fá boltann í fæturna þegar hann skoraði og það var líka svolítil lukka í því að fá vítið í lokin. Engu að síður góð byrjun."
Hamann: Liverpool var heppið

Tengdar fréttir

Dramatískur sigur Liverpool í endurkomunni í Meistaradeildina
Ævintýraleg mistök Búlgaranna í uppbótartíma tryggði Liverpool þrjú stig.

Rodgers: Enginn betri undir pressu en Steven Gerrard
Liverpool slapp með skrekkinn gegn búlgarska liðinu Ludogorets í endurkomunni í Meistaradeildina.