Öll Meistaradeildarmörk gærkvöldsins á Vísi

Fyrstu umferð riðlakeppni Meistaradeildar Evrópu lauk í gær en farið var yfir alla átta leiki gærkvöldsins á Stöð 2 Sport.

Þýskalandsmeistarar Bayern München unnu 1-0 sigur á Manchester City í stórleik gærkvöldsins með marki Jerome Boateng, fyrrum leikmanns City, í blálokin.

Þá gerði Chelsea aðeins jafntefli gegn Schalke á heimavelli en Barcelona og Roma unnu sína leiki. Kolbeinn Sigþórsson og félagar í Ajax náðu í 1-1 jafntefli gegn PSG á heimavelli.

Umfjöllun um alla leikina má sjá í spilaranum hér fyrir ofan.