Björgunarsveitarmaður skallaður í miðborginni

Nokkur erill var hjá lögreglumönnum á höfuðborgarsvæðinu í nótt og talsvert meiri en á hefðbundinni laugardagsnóttu. Í tilkynningu frá lögreglu segir að þungi mála hafi verið eftir að dagskrá menningarnætur lauk.

Greiðlega hafi gengið að koma umferð úr bænum. Björgunarsveitamaður var skallaður við störf í miðborginni. Höfð voru afskipti af nokkrum ungmennum og haft samband við foreldra sem þurftu að sækja þau. Auk þess var hellt niður talsverðu af magni áfengi sem var í fórum unglinga, að sögn lögreglu.

Þrátt fyrir það hafi miðborgarvaktin verið fremur róleg framan af en nokkrar tilkynningar um óhöpp og pústra bárust þegar leið á morguninn en skráð hafi verið tíu minniháttar líkamsárásarmál. Þá komu hafi fjögur fíkniefnamál komið upp.

Fangageymslur voru fullar nú í morgun. Mest reyndi þar á að veita fólki skjól sem var að fram komið vegna neyslu áfengis eða annarra vímugjafa, segir í tilkynningu lögreglu.