Aníta nálgast markið

Aníta Margrét Aradóttirer komin í búðir 26 eftir níunda daginn í Mongol Derby kappreiðinni. Hún er nú í 18. – 34. sæti. Ástralinn Sam Jones hefur þegar tryggt sér sigurinn í keppninni.

Samkvæmt upplýsingum á Facebooksíðu Anítu heldur hún ótrauð áfram í átt að lokamarkinu. Þá styttist óðum í að hún nái að ljúka þessari þúsund kílómetra kappreið.

Þegar hafa tíu keppendur hætt keppni vegna meiðsla eða veikinda.

Hægt er að fylgjast með Anítu á Facebooksíðu hennar og einnig er hægt að fylgjast með henni og sjá leið hennar hér.