Hagnast á beinni útsendingu Justin Timberlake úr Kórnum

Samningur Live Nation og Yahoo um að sýna beint frá tónleikum á hverjum degi mun auka hagnað beggja fyrirtækja. Frá þessu er sagt á vef Seattle Times, þar sem farið er yfir hvernig þróunin hefur verið á þessum markaði.

Fyrirkomulag fyrirtækjanna byrjaði á tónleikum Dave Matthews band um miðjan júlí. Með því er fólki gert kleyft að horfa á tónleikana í beinni útsendingu á netinu. Tónleikana er hægt að sjá hér á vef Yahoo.

Umboðsmenn tónlistarmanna segjast ekki óttast minnkandi sölu á tónleika með tilkomu útsendinganna. Það að fara á tónleika, sé allt öðruvísi en að horfa úr sófanum eða á spjaldtölvu. Þar að auki sé yfirleitt þegar uppselt á tónleikana, þegar ákvörðun um útsendinguna er tekin. Sem dæmi eru nefndi tónleikar Justin Timberlake á Íslandi, þann 24. ágúst.

Þá segir á vefnum að tónleikahaldarar á heimsvísu hafi ekki átt gott átt. Sérstaklega þar sem margir af stærri tónlistarmönnum heims hafi hætt við tónleika til að spila á tónlistarhátíðum.

Live Nation birti nýlega ársfjórðungsuppgjör sem sýndi fram á tap, en var þrátt fyrir það betra en greinendur á Wall Street höfðu gert ráð fyrir. Þá hafi auglýsingaverð Yahoo hríðfallið á undanförnum misserum.

Seattle Times segir að auðveldara sé að selja auglýsingar fyrir útsendingar heldur en fyrir tónleikana sjálfa.

Tónlistarmennirnir sjálfir hagnast þar að auki á því að þurfa ekki að greiða myndatökumönnum fyrir að taka upp tónleika. Þeir fá einnig allar upptökur til eigin nota, eins og til tónlistarmyndbandsgerðar.