Þrumufleygur Illuga dugði ekki til gegn Fylki | Myndband

Tíunda umferðin í Pepsi-deild karla í knattspyrnu klárast í kvöld með fjórum leikjum, en viðureign Fjölnis og Fylkis verður í beinni útsendingu á Stöð 2 Sport klukkan 20.00.

Í beinu framhaldi af leiknum verða Pepsi-mörkin á dagskrá en þau hefjast klukkan 22.00. Þar gera HörðurMagnússon og sérfræðingar hans upp alla leiki umferðarinnar.

Fjölnir og Fylkir hafa ekki mæst oft í deildakeppninni; aðeins fjórum sinnum. Það var tímabilin 2008 og 2009, þegar Fjölnir lék síðast í efstu deild. Þeir komu upp sem nýliðar 2008 og áttu frábært sumar en féllu svo ári síðar.

Sumarið 2009 mættust liðin í Grafarvogi og þar unnu Árbæingar sigur, 3-1. IngimundurNíels Óskarsson fór á kostum og skoraði tvö mörk og gaf eina stoðsendingu. Hann spilar með FH í dag.

Þórður Ingason, markvörður Fjölnis, vill eflaust gleyma þessum leik sem fyrst en það var farið ansi illa með hann í fyrstu tveimur mörkunum og svo lét hann aukaspyrnu Ingimundar Níels sleppa undir sig á 54. mínútu.

Illugi Þór Gunnarsson minnkaði muninn í 2-1 fyrir Fjöni á 45. mínútu með glæsilegu marki sem FjalarÞorgeirsson, þáverandi markförður Fylkis, réði ekkert við. Það dugði þó ekki til í þessum leik.

Ásmundur Arnarsson, núverandi þjálfari Fylkis, þjálfaði Fjölni á þessum tíma og aðstoðarmaður hans var Ágúst Þór Gylfason, sá er þjálfar Fjölni í dag. Ólafur Þórðarson var við stjórnvölinn hjá Fylki og stýrði liðinu í þriðja sæti deildarinnar og í Evrópukeppni.

Svipmyndir frá leiknum má sjá í spilaranum hér að ofan.