Dekkri hlið af Superman

Eins og Vísir hefur áður greint frá þá munu ofurhetjurnar Batman og Superman koma saman á hvíta tjaldinu í fyrsta skiptið árið 2016.

Ungstirnið Henry Cavill fer með hlutverk Ofurmannsins en hann sló í gegn sem hetjan í myndinni Man of Steel sem kom út í fyrra.

Smávægilegar breytingar hafa þó verið gerðar á búningnum en Zack Snyder, framleiðandi nýju myndarinnar hefur ýjað að því að Batman, sem verður leikin af Ben Affleck og Superman verða jafnvel óvinir í myndinni.

Sjá má á meðfylgjandi ljósmynd örlítið dekkri hlið af ofurhetjunni og lítur hetjan út fyrir að vera eilítið massaðri en í Man of Steel. Það er því ekki við öðru að búast en að Batman v Superman: Dawn of Justice verði í það minnsta áhugaverð.