Svæði IV í Stóru Laxá komið í gang Karl Lúðvíksson kalli@365.is skrifar 4. júlí 2014 14:52 Einn af dönsku veiðimönnunum með lax frá því í morgun Stóra Laxá var líklega sú á sem kom mest á óvart í fyrra en þá veiddust 1776 laxar í ánni sem er met. Áin hefur lengi átt stórann hóp aðdáenda enda fáar ár sem státa af jafn stórbrotnu umhverfi. Veiðin hefur verið upp og ofan í gegnum tíðina en eftir að maðkur og spúnn var bannaður, ásamt því að hvetja menn til að sleppa, tekur áin vonandi við sér og sumar eins og í fyrra verður normið. Búið er að taka veiðihúsin öll rækilega í gegn svo það á ekki að væsa um þá sem eiga daga þarna í sumar en mikil eftirspurn er eftir leyfum í ánna. Danskir veiðimenn sem eru við ánna fengu 6 laxa í morgun á svæði IV og settu í fleiri. Svæði IV er klárlega eitt af fallegri veiðisvæðum landsins með gljúfrum og strengjum en að sama skapi krefjandi fyrir veiðimenn. Af öðrum svæðum í ánni er það að frétta að búið er að bóka 4 laxa af svæði I-II en ekki liggur fyrir hvort eitthvað sé komið á land af svæði III. Áin hefur í gegnum tíðina verið rómuð síðsumarsá en svo koma ár þar sem laxinn kemur snemma og eins getur góð bleikjuveiði á neðri svæðunum bætt upp dagana þegar rólegt hefur verið í laxinum. Laus leyfi má finna á www.lax-a.net Stangveiði Mest lesið Fín veiði í nettustu á landsins Veiði Leitin að stórlaxinum - Bók og DVD Veiði Jólaveiði á suðurslóðum Veiði Ekki virða allir sölubann á rjúpu Veiði Helgarspáin vond fyrir rjúpnaskyttur Veiði Stefnir í eitt versta árið í Soginu Veiði Mikið um stórlax í Hofsá Veiði Fimm milljóna tjón vegna kjúklinga og klósettpappírs Veiði 70 laxar veiðast á dag í Ytri Rangá Veiði Reyna að húkka laxa í Elliðavatni Veiði
Stóra Laxá var líklega sú á sem kom mest á óvart í fyrra en þá veiddust 1776 laxar í ánni sem er met. Áin hefur lengi átt stórann hóp aðdáenda enda fáar ár sem státa af jafn stórbrotnu umhverfi. Veiðin hefur verið upp og ofan í gegnum tíðina en eftir að maðkur og spúnn var bannaður, ásamt því að hvetja menn til að sleppa, tekur áin vonandi við sér og sumar eins og í fyrra verður normið. Búið er að taka veiðihúsin öll rækilega í gegn svo það á ekki að væsa um þá sem eiga daga þarna í sumar en mikil eftirspurn er eftir leyfum í ánna. Danskir veiðimenn sem eru við ánna fengu 6 laxa í morgun á svæði IV og settu í fleiri. Svæði IV er klárlega eitt af fallegri veiðisvæðum landsins með gljúfrum og strengjum en að sama skapi krefjandi fyrir veiðimenn. Af öðrum svæðum í ánni er það að frétta að búið er að bóka 4 laxa af svæði I-II en ekki liggur fyrir hvort eitthvað sé komið á land af svæði III. Áin hefur í gegnum tíðina verið rómuð síðsumarsá en svo koma ár þar sem laxinn kemur snemma og eins getur góð bleikjuveiði á neðri svæðunum bætt upp dagana þegar rólegt hefur verið í laxinum. Laus leyfi má finna á www.lax-a.net
Stangveiði Mest lesið Fín veiði í nettustu á landsins Veiði Leitin að stórlaxinum - Bók og DVD Veiði Jólaveiði á suðurslóðum Veiði Ekki virða allir sölubann á rjúpu Veiði Helgarspáin vond fyrir rjúpnaskyttur Veiði Stefnir í eitt versta árið í Soginu Veiði Mikið um stórlax í Hofsá Veiði Fimm milljóna tjón vegna kjúklinga og klósettpappírs Veiði 70 laxar veiðast á dag í Ytri Rangá Veiði Reyna að húkka laxa í Elliðavatni Veiði