Hanna Rún og Nikita eignuðust dreng

„Þetta er algjörlega það besta sem hægt er að hugsa sér og við Nikita elskum að vera orðnir foreldrar,“ segir dansarinn Hanna Rún Óladaóttir en hún og unnusti hennar, Nikita, eignuðust dreng föstudaginn 13. júní.

Drengurinn, sem er fyrsta barn Hönnu og Nikita, lét bíða örlítið eftir sér en settur dagur var 4. júní.

„Hann er algjör draumur, drekkur og drekkur og sefur eins og lamb. Hann er svo fullkominn og flottur að við getum ekki hætt að horfa á hann,“ segir hin nýbakaða móðir.

Hanna segir Nikita fæddan í föðurhlutverkið. „Hann er þvílíkt flottur pabbi, stjanaði svoleiðis við mig á meðgöngunni og heldur því áfram núna, stjanar við okkur tvö. Hann skiptir um bleyjur, klæðir strákinn og baðar. Það er eins og hann hafi aldrei gert annað.“

Lífið óskar hinum nýbökuðu foreldrum til hamingju með drenginn.