Frábær meðalþyngd á laxinum í Vatnsdalsá

Veiði hófst í Vatnsdalsá á föstudaginn og í lok dags í gær voru komnir 17 laxar á land og af því er engin smálax.

Stærsti fiskurinn kom á land í gær í Grjóthrúgukvörn en hann mældist 97 sm, 9.2 kg og tók Sunray Shadow.  Minnsti laxinn sem hefur veiðst í ánni er 4 kg og flestir laxarnir hafa veiðst í Hnausastreng sem kemur fáum á óvart sem þekkja Vatnsdalsá en þessi veiðistaður er einn af þeim magnaðri á landinu.  Meðalþyngdin úr ánni er um 6 kg og meðallengd 82 sm sem eru flottar tölur og efast menn ekki um að sleppiskylda á laxinum í ánni sé að skila stærri laxi sem sé mun verðmætari veiðibráð en smálaxinn þegar árnar eru markaðssettar til erlendra veiðimanna en þó erlendir veiðimenn séu fjölmennir við bakkann á áin stórann aðdáendahóp hjá innlendum veiðimönnum sem halda tryggð við þessa skemmtilegu á.