Tinna Íslandsmeistari í holukeppni

Hún hafði betur gegn Karen Guðnadóttur, GS, í úrslitaleiknum í dag en sigurinn var nokkuð öruggur.

Tinna tryggði sér sigur á fjórtándu holu en hún var með fjögurra vinninga forystu strax eftir níu fyrstu holurnar.

Karen hafði komið á óvart með því að vinna Íslandsmeistarann í höggleik, Sunnu Víðisdóttur, í fjórðungsúrslitum en hún vann svo systur sína, Heiðu, í undanúrslitum.

Tinna vann Guðrúnu Brá Björgvinsdóttur og Bergldindi Björnsdóttur á leið sinni í úrslitaleikinn.

Guðrún Brá endaði í þriðja sæti eftir að hafa betur gegn Heiðu í bronsleiknum í dag.