Mikið líf í Vestmannsvatni

Vestmannsvatn kom nýtt inn í Veiðikortið á þessu ári og það er alveg óhætt að mæla með vatninu því þarna leynist mikið af fiski.

Veiðimenn sem voru við við veiðar í vatninu á sunnudaginn gerðu þeir feyknagóða veiði eins og sést á myndinni með fréttinni.  Að sögn þeirra var fínasta verður og mikið líf en þeir sáu uppítökur út um allt vatn.  Hluta aflans veiddu þeir frá bát en mest frá landi á litlar svartar púpur sem líkjast mýflugulirfum.  Þeir sem hafa kíkt í fiskana úr vatninu segja að hann sé stútfullur af æti og þegar hann fer á stjá í ætisleit sé hann mjög tökugrimmur.  Vestmannsvatn er í um 45 mín keyrslu frá Akureyri svo þeir sem eru að ferðast norður í sumar ættu klárlega að bæta við sig smá akstri og prófa vatnið.  Mælt er með því að taka með sér flugnanet því mýið getur verið ansi þétt við vatnið.