Bjarni og Einar taka við þjálfun ÍR

Handknattleiksdeild ÍR greindi frá því í kvöld að Bjarki Sigurðsson væri hættur sem þjálfari liðsins. Við stöðu hans tekur Bjarni Fritzson sem þjálfaði lið Akureyrar í vetur.

Bjarni skrifaði undir þriggja ára samning við ÍR. Önnur gömul ÍR-kempa, Einar Hólmgeirsson, verður aðstoðarmaður hans. Bjarni mun bæði þjálfa og spila með liðinu en hann er uppalinn hjá ÍR.

Bjarki hafði verið þjálfari hjá ÍR í fjögur ár. Hann tók við liðinu í 1. deild en kom liðinu upp í efstu deild og gerði liðið að bikarmeisturum í fyrra.