Cech og Terry æfðu óvænt með Chelsea

Tímabilið átti að vera búið hjá Petr Cech, markverði Chelsea, er hann fór úr axlarlið í fyrri leik Chelsea og Atletico Madrid í undanúrslitum Meistaradeildarinnar.

Öllum að óvörum var Cech mættur á æfingu hjá Chelsea í dag. Cech sagði í samtali við Sky að hann væri klár í slaginn.

John Terry var einnig á æfingu liðsins en tímabilið átti einnig að vera búið hjá honum. Læknateymi Chelsea er greinilega að framkalla kraftaverk þessa dagana.

Chelsea verður þó án þeirra Frank Lampard og John Obi Mikel í leiknum á morgun en þeir eru báðir í leikbanni.