Írskur rafeyrir að nafni Gaelcoin lítur dagsins ljós

Gaelcoin er sérírskur rafeyrir byggður á Bitcoin. Fylgir rafeyririnn íslenskri fyrirmynd hvað varðar dreifingu og uppsetningu. Technology.ie greinir frá þessu.

Gaelcoin byggir á Litecoin sem er eins konar léttari útgáfa af Bitcoin sem vakti mikla athygli á veraldarvefnum um árið. Er markmið rafeyrisins líkt og annarra sinnar tegundar að losna við afskipti seðlabanka og annarra fjármálastofnana.

Bylgja nýrra rafeyristegunda kom á markað fyrir stuttu, en meðal annars stendur Grikkjum, Spánverjum, Skotum og Íslendingum til boða að næla sér í rafeyri sérhannaðan fyrir eigin þjóð.

Dreifing gjaldeyrisins fylgir íslensku fordæmi, en rúmum 30 einingum íslenska rafeyrisins Auroracoin var dreift til allra Íslendinga á veraldarvefnum þann 25. mars. Hér er hægt að sækja Auroracoin.

Írar geta sótt 50 Gaelcoin endurgjaldslaust á netinu, en eitt prósent heildarrafeyrisforðans hefur þegar verið „grafið upp" og er nothæft.