Fjórir í framboði fyrir þrjú sæti í stjórn SVFR

Skilafrestur framboða til stjórnar SVFR rann út klukkan 17:00 í dag og það eru fjórir frambjóðendur sem takast á um þrjú sæti sem eru í boði.

Þeir sem bjóða sig fram eru Hörður Birgir Hafsteinsson núverandi stjórnarmaður og Júlíus Bjarnason, Jón Víðir Hauksson og Rögnvaldur Jónsson.  Ljóst er að ekkert mótframboð kom á móti Árna Friðleifssyni núverandi varaformanni svo hann tekur formlega við formannssætinu af Bjarna Júlíussyni á næsta aðalfundi SVFR sem haldin verður 27. febrúar næstkomandi.  Allir félagsmenn SVFR geta kosið á fundinum séu þeir skuldlausir við félagið og eru menn hvattir til að fjölmenna á fundinn og taka þátt í umræðum sem þar eiga eflaust eftir að skapast og auðvitað kjósa til stjórnar.