Kristinn búinn að semja við félag í Þýskalandi

Farandhandboltamaðurinn Kristinn Björgúlfsson er enn og aftur á leið í víking. Að þessu sinni er för haldið til Þýskalands.

Kristinn hefur samið við 4. deildarliðið HSG Agustdorf og mun klára tímabilið með því félagi. Liðið er í fallhættu og þarf á liðsstyrk að halda út tímabilið.

Síðasti leikur Kristins með ÍR í bili var gegn Fram. Hann hefur fært liðinu ýmislegt í vetur og þar á meðal glæsilega varamannabekki með sætum úr strætó.

Miðjumaðurinn hefur áður leikið í Þýskalandi og hefur einnig spilað handbolta í Noregi, Grikklandi og Hollandi.