Körfubolti

Spilar í kvöld þrátt fyrir að hafa verið sagt upp

Eiríkur Stefán Ásgeirsson skrifar
Leake í leik með KR gegn Grindavík fyrr í mánuðinum.
Leake í leik með KR gegn Grindavík fyrr í mánuðinum. Vísir/Valli
Terry Leake mun spila með KR gegn Stjörnunni í Domino's-deild karla í kvöld þrátt fyrir að félagið hafi sagt samningi leikmannsins upp fyrr í vikunni.

Nýr leikmaður er ekki kominn til landsins til að fylla í skarð Leake og verður hann því í röndótta búningnum í kvöld.

„Það er vitnisburður um gagnkvæma virðingu milli leikmannsins og félagsins og eins um hve mikið toppeintak sem Terry Laeke er. Við treystum að stuðningsmenn KR klappi honum lof í lófa í kvöld,“ sagði á Facebook-síðu körfuknattleiksdeildar KR.

Dominos-deild karla

Tengdar fréttir

KR fékk Kana frá ÍR

Körfuknattleiksdeild KR hefur gert tímabundinn samning við Bandaríkjamanninn Terry Leake jr. Terry hefur leikið með ÍR í upphafi móts en var leystur undan samningi í gær þar sem ÍR-ingar töldu sig þurfa öðruvísi leikmann sem hentaði þeirra þörfum betur.

KR-ingar láta Leake fara

Vesturbæjarliðið samdi við Leake í kringum áramótin en hafa nú mánuði síðar ákveðið að slíta samstarfinu. Þeir svörtu og hvítu eru í leit að stærri manni í baráttuna undir körfunni.

KR heldur tryggð við Kanann

Körfuknattleiksdeild KR hefur samið við Terry Leake og mun hann klára tímabilið með liðinu.

Mest lesið


Fleiri fréttir

Sjá meira


×

Mest lesið