Syngja Megasarlög með honum sjálfum

„Við erum búin að æfa grimmt,“ segir Jóhanna V. Þórhallsdóttir sem ásamt þeim Björk Jónsdóttur og Signýju Sæmundsdóttur skipa sönghópinn 3Klassískar. Þær ætla að skemmta tónleikagestum í Iðnó síðdegis í dag ásamt 3prúðbúnum, þeim Bjarna Jónatanssyni píanóleikara, Gunnari Hrafnssyni bassaleikara og Einari Vali Scheving trommuleikara.

Megas verður samt sá prúðbúnasti að sögn Jóhönnu, sérlegur gestur kvöldsins og skrautfjöður. „Það er gaman að vera með Megasi að syngja lögin hans. Við höfum verið að safna að okkur útsetningum á þeim fyrir þrjár raddir. Bjarni Jónatansson hefur útsett fyrir okkur og líka Aðalheiður Þorsteinsdóttir. Svo syngjum við líka hvert í sínu lagi,“ lýsir Jóhanna. Hún lofar líka lögum eftir snillinginn Gunnar Þórðarson, lögum sem allir þekkja eins og Þitt fyrsta bros, Reykjavíkurtjörn og Ég elska alla.

Þetta eru tónleikar án hlés



Jóhann segir 3Klassískar hafa flutt hluta af þessu prógrammi á Kaffi Flóru og í Bragganum á Hólmavík. En nú hafi verið bætt inn í og breytt.