Gömul saga en spennandi

Bíó: Coldwater

Leikstjóri: Vincent Grashaw

Leikarar: P.J. Boudousqué, James C. Burns, Chris Petrovski og Nicholas Bateman.

Riff-hátíðin



Unglingspiltur er sendur á betrunarheimili sem rekið er af fyrrverandi herforingja í bandaríska hernum.

Piltarnir sem þar dvelja eru beittir miklu harðræði og þurfa að taka á honum stóra sínum ætli þeir að komast heilir heim. Inn í söguna fléttast baksaga söguhetjunnar.

Coldwater er fyrsta kvikmynd leikstjórans í fullri lengd og tekst honum þokkalega til. Myndina má flokka sem dramatíska spennumynd og er hún ekki ætluð viðkvæmum. Í fyrstu virðist hún ætla að fylgja klisjum en þegar líður á breytir hún um stefnu og spennan ágerist.

Niðurstaða: Þokkaleg byrjun hjá leikstjóranum Vincent Grashaw. Sagan er spennuþrungin en ekki ný af nálinni.