Vildu ekki stúlku í aðalhlutverkið Sara McMahon skrifar 4. september 2013 23:00 Lily Collins fer með hlutverk Clary Fray í kvikmyndinni Mortal Instruments: City of Bones. Ævintýramyndin Mortal Instruments: City of Bones er byggð á samnefndri metsölubók rithöfundarins Cassöndru Clare, en bókin er sú fyrsta í bókaflokknum um skuggaveiðarann Clary Fray. Myndin segir frá unglingsstúlkunni Clary Fray sem býr ásamt móður sinni í Manhattan. Kvöld eitt ákveður hún að sækja skemmtistað ásamt besta vini sínum, Simon Lewis, og verður þar ein vitni að morði. Sama kvöld er móður Clary rænt og í kjölfarið kemst stúlkan að því að móðir hennar, og hún sjálf, tilheyra hópi svokallaðra skuggaveiðara. Skuggaveiðarar eru hópur fólks sem hefur það hlutverk að halda djöflum og öðrum yfirnáttúrulegum óvættum í skefjum. Skuggaveiðarinn Jace Wayland, sá er Clary sá deyða djöfulinn inni á skemmtistaðnum umrætt kvöld, leiðir hana í sannleikann um skuggaveiðarana og aðstoðar hana við að hafa uppi á móður sinni. Leikkonan Lily Collins fer með hlutverk Clary Fray og með önnur hlutverk fara leikararnir Jamie Campbell Bower, Robert Sheehan, Kevin Zegers og Lena Headey, sem mörg eru að stíga sín fyrstu skref innan leiklistarinnar. Leikstjóri myndarinnar er hinn norski Harald Zwart sem á að baki myndir á borð við sænsku hasarmyndina Hamilton frá árinu 1998 með Peter Stormare í aðalhlutverki og The Karate Kid með Jaden Smith og Jackie Chan í aðalhlutverkum. Zwart hefur einnig leikstýrt tveimur tónlistarmyndböndum hljómsveitarinnar a-ha. Leikstjórinn er þekktur fyrir að reyna að lauma kennimerkjum norska fótboltaliðsins Fredrikstad F.K. í kvikmyndir sínar.Vildu strák í aðalhlutverkið Cassandra Clare, höfundur bókanna um Clary Fray, átti í miklum erfiðleikum með að selja söguna til kvikmyndaframleiðenda. Fyrirtækin höfðu ekki áhuga á að framleiða kvikmynd þar sem höfuðrullan væri í höndum konu og óskuðu sum þeirra eftir því að kyn söguhetjunnar yrði breytt. Því neitaði Clare staðfastlega og úr varð að Clary fékk að halda sínu rétta kyni. Breski leikarinn Alex Pettyfer átti upphaflega að fara með hlutverk Jace Wayland en afþakkaði boðið. Alexander Ludwig, Ed Speleers, Xavier Samuel, Nico Tortorella, Max Irons, sonur leikarans Jeremy Irons og Douglas Booth, sem fer með hlutverk í stórmyndinni Noah, föluðust allir eftir hlutverki Wayland, en Bower hreppti loks hnossið. Myndin hefur fengið heldur slaka dóma frá gagnrýnendum vefsíðunnar Rottentomatoes, þeir gefa myndinni aðeins 12 prósent í einkunn. Hinn almenni áhorfandi er töluvert ánægðari með afraksturinn og gefur henni 71 prósent í einkunn.Ungir leikarar á uppleið *Lily Jane Collins, fædd þann 18. mars árið 1989, leikur Clary Fray. Hún er dóttir tónlistarmannsins Phils Collins og þekktust fyrir hlutverk sín í kvikmyndunum The Blind Side, Abduction og Mirror Mirror, þar sem hún fer með hlutverk Mjallhvítar. * James Metcalfe Campbell Bower, fæddur þann 22. nóvember 1988, fer með hlutverk Jace Wayland. Bower hefur áður farið með smærri hlutverk í myndum á borð við Sweeney Todd: The Demon Barber of Fleet Street, Twilight og Harry Potter and the Deathly Hallows – Part 1. * Robert Michael Sheehan er fæddur þann 7. janúar árið 1988 og leikur Simon Lewis. Hann er írskur og á móðurmálinu heitir hann Roibeárd Mícheál Ó Siodhacháin. Sheehan er þekktastur fyrir hlutverk sín í myndunum Misfits og Killing Bono. Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Var talin vera hommi og lögð í einelti Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Frumsýning á Vísi: Helga Braga í kolsvartri kómedíu Bíó og sjónvarp Janet Jackson biðst afsökunar á undarlegum ummælum Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Ævintýramyndin Mortal Instruments: City of Bones er byggð á samnefndri metsölubók rithöfundarins Cassöndru Clare, en bókin er sú fyrsta í bókaflokknum um skuggaveiðarann Clary Fray. Myndin segir frá unglingsstúlkunni Clary Fray sem býr ásamt móður sinni í Manhattan. Kvöld eitt ákveður hún að sækja skemmtistað ásamt besta vini sínum, Simon Lewis, og verður þar ein vitni að morði. Sama kvöld er móður Clary rænt og í kjölfarið kemst stúlkan að því að móðir hennar, og hún sjálf, tilheyra hópi svokallaðra skuggaveiðara. Skuggaveiðarar eru hópur fólks sem hefur það hlutverk að halda djöflum og öðrum yfirnáttúrulegum óvættum í skefjum. Skuggaveiðarinn Jace Wayland, sá er Clary sá deyða djöfulinn inni á skemmtistaðnum umrætt kvöld, leiðir hana í sannleikann um skuggaveiðarana og aðstoðar hana við að hafa uppi á móður sinni. Leikkonan Lily Collins fer með hlutverk Clary Fray og með önnur hlutverk fara leikararnir Jamie Campbell Bower, Robert Sheehan, Kevin Zegers og Lena Headey, sem mörg eru að stíga sín fyrstu skref innan leiklistarinnar. Leikstjóri myndarinnar er hinn norski Harald Zwart sem á að baki myndir á borð við sænsku hasarmyndina Hamilton frá árinu 1998 með Peter Stormare í aðalhlutverki og The Karate Kid með Jaden Smith og Jackie Chan í aðalhlutverkum. Zwart hefur einnig leikstýrt tveimur tónlistarmyndböndum hljómsveitarinnar a-ha. Leikstjórinn er þekktur fyrir að reyna að lauma kennimerkjum norska fótboltaliðsins Fredrikstad F.K. í kvikmyndir sínar.Vildu strák í aðalhlutverkið Cassandra Clare, höfundur bókanna um Clary Fray, átti í miklum erfiðleikum með að selja söguna til kvikmyndaframleiðenda. Fyrirtækin höfðu ekki áhuga á að framleiða kvikmynd þar sem höfuðrullan væri í höndum konu og óskuðu sum þeirra eftir því að kyn söguhetjunnar yrði breytt. Því neitaði Clare staðfastlega og úr varð að Clary fékk að halda sínu rétta kyni. Breski leikarinn Alex Pettyfer átti upphaflega að fara með hlutverk Jace Wayland en afþakkaði boðið. Alexander Ludwig, Ed Speleers, Xavier Samuel, Nico Tortorella, Max Irons, sonur leikarans Jeremy Irons og Douglas Booth, sem fer með hlutverk í stórmyndinni Noah, föluðust allir eftir hlutverki Wayland, en Bower hreppti loks hnossið. Myndin hefur fengið heldur slaka dóma frá gagnrýnendum vefsíðunnar Rottentomatoes, þeir gefa myndinni aðeins 12 prósent í einkunn. Hinn almenni áhorfandi er töluvert ánægðari með afraksturinn og gefur henni 71 prósent í einkunn.Ungir leikarar á uppleið *Lily Jane Collins, fædd þann 18. mars árið 1989, leikur Clary Fray. Hún er dóttir tónlistarmannsins Phils Collins og þekktust fyrir hlutverk sín í kvikmyndunum The Blind Side, Abduction og Mirror Mirror, þar sem hún fer með hlutverk Mjallhvítar. * James Metcalfe Campbell Bower, fæddur þann 22. nóvember 1988, fer með hlutverk Jace Wayland. Bower hefur áður farið með smærri hlutverk í myndum á borð við Sweeney Todd: The Demon Barber of Fleet Street, Twilight og Harry Potter and the Deathly Hallows – Part 1. * Robert Michael Sheehan er fæddur þann 7. janúar árið 1988 og leikur Simon Lewis. Hann er írskur og á móðurmálinu heitir hann Roibeárd Mícheál Ó Siodhacháin. Sheehan er þekktastur fyrir hlutverk sín í myndunum Misfits og Killing Bono.
Mest lesið Kristófer Helga í veikindaleyfi Lífið Sjóðheitar og einhleypar inn í haustið Lífið Stjörnulífið: Töru Sif meinað að fara í bað Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Ebba Katrín og Oddur keyptu hús í miðbænum Lífið Var talin vera hommi og lögð í einelti Lífið Lítill bróðir mættur: „Fullkominn, stór og sterkur“ Lífið „Eini metnaðurinn minn var að líða ekki illa“ Lífið Frumsýning á Vísi: Helga Braga í kolsvartri kómedíu Bíó og sjónvarp Janet Jackson biðst afsökunar á undarlegum ummælum Lífið Fleiri fréttir Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira