Búnaður fyrir alla

Hafberg köfunarvörur býður upp á mikið úrval þurrgalla og almennan köfunarbúnað fyrir kafara frá mörgum þekktum gæðamerkjum.

Þorvaldur Hafberg, framkvæmdastjóri fyrirtækisins, segir fyrirtækið þjóna sport- og atvinnuköfurum og einnig svokölluðum „technical“ köfurum, sem eru að sögn hans sportkafarar sem eru lengra komnir. „Við bjóðum upp á gott úrval af lungum, vestum og í raun bara allt sem þarf til köfunar og allt sem kafarinn þarfnast.“

Fyrirtækið leigir einnig út köfunarbúnað til lærðra kafara sem ekki eiga búnað eða vantar hluta af búnaði til köfunar. „Við bjóðum upp á allan almenn búnað til leigu en þó þarf að framvísa köfunarskírteini frá viðurkenndum samtökum við afhendingu búnaðar. Um leið þurfa þeir sem leigja vörur frá okkur að vera með þurrgallaréttindi. Við höfum einnig leigt út þurrgalla til göngufólks og þeirra sem stunda sjósund og snorkel-köfun. Þannig að við þjónustum breiðan hóp fólks.“

Hentug greiðsludreifing

Verslunin býður einnig upp á Lavacore-öndunarfatnað sem bæði er regnheldur og vindheldur. „Hann hentar mjög vel fyrir hjólreiðafólk og kajakræðara og fleiri greinar. Um er að ræða þriggja laga fatnað með micro-flísefni næst húðinni, öndunarfilmu á milli og regnheldu næloni í ysta lagi.“

Þorvaldur bendir á að hægt sé að dreifa greiðslum hjá versluninni til allt að 36 mánaða, sem einfaldi kaup á mjög dýrum búnaði. Almenn viðgerðarþjónusta Fyrirtækið býður einnig upp á almenna viðgerðarþjónustu.

„Við gerum til dæmis við lungu, þurrgalla, vesti og slíkan búnað. Einnig má nefna í þessu sambandi að við erum eina fyrirtækið hérlendis sem býður upp á lífstíðarábyrgð á varahlutum í lungu, vesti og köfunartölvur gegn því að þeir komi til skoðunar einu sinni á ári, en það eykur til muna öryggi kafara.“

Heimasíða verslunarinnar inniheldur mjög góðar og aðgengilegar upplýsingar um vörur og þjónustu fyrirtækisins. „Við erum einnig með tvær Facebook-síður undir nafninu Hafberg köfunarvörur, bæði hefðbundna vinasíðu og svokallaða „like“-síðu. Ég mæli sérstaklega með vinasíðunni, sem inniheldur meiri upplýsingar.“

Nánari upplýsingar má finna á kofunarvorur.is og símanúmerið er 612-5441. Vefurinn inniheldur meðal annars nöfn köfunarkennara sem fyrirtækið mælir með.