Úrvalið er í Soho Market

SOHO/MARKET opnar í dag fulla búð af nýjum vörum eftir vel heppnaða útsölu. Í versluninni fæst allt það nýjasta frá Bandaríkjunum eins og kjólar, leggings, buxur, jakkar, toppar, skart, töskur, íþrótta- og jógafatnaður og alls konar aðhaldsfatnaður. Fermingarfötin eru þó í aðalhlutverki þessa dagana og er fjölbreytnin í fyrirrúmi að sögn Jónu Lár, eiganda SOHO/ MARKET. „Kjólarnir eru látlausir en þó með sínum séreinkennum, með blúndum, pífum og skreyttir steinum,“ lýsir Jóna og bætir við að í SOHO/MARKET fáist einnig fatnaður fyrir konur á öllum aldri og því finni mömmurnar einnig eitthvað við sitt hæfi. Í SOHO/MARKET geta fermingarstúlkur klætt sig upp frá toppi til táar. Fyrir utan kjóla má þar fá fjölda fylgihluta á borð við töskur, ermar, klúta og eyrnalokka. „Þá erum við með alls kyns armbönd með steinum sem hafa slegið í gegn,“ segir Jóna og bendir á að von sé á skóm í verslunina á næstunni. Þá segir hún einnig hægt að kaupa fermingargjafirnar í búðinni. Til dæmis sé þar mikið úrval af fallegum silfur- og stálskartgripum. „Við vorum líka að taka inn rosalega flotta blásara og krullujárn.“ Hárskraut af ýmsu tagi er afar vinsælt í SOHO/MARKET og hentar vel í fermingargreiðslurnar. Jóna segir algengt að hárgreiðslufólk komi í verslunina og kaupi bæði skraut og hina góðu túperingarbursta. „Þá erum við einnig með til sölu hina vinsælu Moroccan-oil hárvöru á afar góðu verði, aðeins 1.490 krónur,“ segir Jóna og lýsir því að nokkrir dropar af olíunni í rakt hár geri það dúnmjúkt og glansandi. SOHO/MARKET er þekkt fyrir hagstætt verð. Fermingarkjólarnir eru frá 7.990 krónum upp í 15.990 krónur. Hægt er að fá litlar peysur yfir kjólana í mörgum litum á 3.990 krónur og litla jakka á 5.990 krónur. „Við höfum stundum verið kölluð Bolabúðin vegna þess að við höfum svo mikið úrval af alls kyns bolum sem kosta lítið, eða frá 990 krónum upp í 2.990 krónur,“ lýsir Jóna og minnist sérstaklega á aðhaldsblúndubolina sem slegið hafa rækilega í gegn sérstaklega vegna hins góða verðs. SOHO/MARKET er á Grensásvegi 8. Opið er mánudaga til fimmtudaga frá klukkan 12 til 18, á föstudögum frá 12 til 19 og á laugardögum frá 12 til 17. Sími 553 7300. Tekið er á móti hópum eftir samkomulagi.