Allir eiga góð gleraugu skilið

"Það eiga allir skilið að sjá vel,“ segir Helga Kristinsdóttir, sjóntækjafræðingur og einn eigenda gleraugnaverslunarinnar Eyesland, en hún opnaði verslunina fyrir tveimur og hálfu ári þegar henni ofbauð verðlag á gleraugum. "Gleraugu mega ekki vera munaðarvara fyrir fáa útvalda. Hjá Eyesland höfum við farið óhefðbundnar leiðir í vöruvali til að geta boðið gott verð en við leitum mikið til Bandaríkjanna og Asíu en erum einnig með vörur frá Evrópu. "Hjá okkur getur fólk jafnvel keypt sér þrenn gleraugu á verði einna og margir kaupa sér mörg gleraugu í einu fyrir ólík tækifæri, svo sem íþróttagleraugu, skíðagleraugu, sólgleraugu með styrk, hlaupa- eða göngugleraugu. Þá eru margskipt gleraugu og skipt tölvugleraugu að sækja í sig veðrið en margir hafa fram að þessu ekki haft ráð á að fá sér margskipt gleraugu. Þau er hægt að fá á skikkanlegu verði hjá okkur. Fólk hefur þá skýra sjón á tölvuna en getur einnig lesið smátt. Við sérhæfum okkur einnig í linsum fyrir þá sem eru með mikla sjónskekkju eða erfiða sjón,“ útskýrir Helga og segir verslunina hafa fengið góðar móttökur. "Þó að við séum á fimmtu hæð í Glæsibæ er stöðugur straumur af fólki hjá okkur.“ Í Eyesland fást einnig sjónhjálpartæki fyrir sjónskerta og úrval fylgihluta fyrir gleraugu. Verslunin er opin frá klukkan 8.30 til 17 alla virka daga. Nánar á eyesland.is.