Mætir með tonn af búnaði

Raftónlistarmaðurinn Squarepusher kemur hingað til lands með rúmlega tonn af búnaði vegna tónleika sinna á Sónar-hátíðinni sem verður haldin í Hörpu um miðjan febrúar. Við þennan búnað bætist svo stærsti ljósaskjár sem til er á Íslandi sem verður sérstaklega settur upp í Silfurbergi, enda leggur tónlistarmaðurinn mikið upp úr sjónræna þættinum. Sökum umfangs munu Squarepusher og aðstoðarmenn hans mæta fyrr til Íslands en fyrirhugað var til að tryggja að nægur tími gefist til stillinga og uppsetningar.