Olympiakos má ekki selja í öll sætin á fyrri leik sínum á móti Manchester United í sextán liða úrslitum Meistaradeildarinnar sem fer fram 25. febrúar á nýju ári.
Olympiakos spilar á Karaiskakis-leikvanginum sem tekur yfir 33 þúsund manns í sæti. Það verða mörg auð sæti þegar ensku meistararnir koma í heimsókn.
UEFA hefur nefnilega ákveðið að refsa gríska félaginu fyrir kynþáttafordóma stuðningsmanna félagsins. Olympiakos verður samkvæmt úrskurði sambandsins að loka neðri hluta norður-stúkunnar á vellinum.
Olympiakos þarf einnig að greiða 30 þúsund í evrur í sekt, tæpar fimm milljónir íslenskra króna, en þessar aðgerðir UEFA eru komnar til vegna hegðunar stuðningsmanna félagsins í leik á móti belgíska félaginu Anderlecht í desember.
Rússneska félagið Zenit St Petersburg fékk samskonar refsingu og má ekki selja í hluta stúkunnar í heimaleik sínum á móti Borussia Dortmund sem fer einnig fram 25. febrúar næstkomandi.
Ekki fullur völlur hjá Olympiakos á móti Man. United
Óskar Ófeigur Jónsson skrifar

Mest lesið


Myndir frá sigrinum sem tryggði EM-sætið
Handbolti


Haaland sló enn eitt metið í gær
Fótbolti


Lærisveinar Alfreðs að stinga af
Handbolti

Styrmir skoraði tólf í naumum sigri
Körfubolti


Kristinn Albertsson nýr formaður KKÍ
Körfubolti

„Betri ára yfir okkur“
Handbolti