Bílar

Ríkissjóður BNA tapar 1.170 milljörðum á yfirtöku GM

Finnur Thorlacius skrifar
Höfuðstöðvar General Motors.
Höfuðstöðvar General Motors.
Það var svosem ljóst að bandaríska ríkið myndi tapa á yfirtöku General Motors er það tók yfir fyrirtækið í kröggum sínum árið 2009. Það mun samt fá ríflega 80% stuðnings síns til baka, eða 39,8 milljarða dala af 49,5 milljarða dala innspýtingu sinni í fyrirtækið.

Nú á bandaríska ríkið enn um 7% í GM en áformar að losa sig við þau hlutabréf ekki seinna en í mars á næsta ári. Ríkissjóður Bandaríkjanna hjálpaði einnig Chrysler, sem var í sömu stöðu og GM og hefði farið á hausinn án stuðningsins.

Á því tapaði ríkið hinsvegar mun minna, eða 1,3 milljörðum dala, eða 157 milljörðum króna. Það var svo Fiat sem keypti  hluti ríkisins í Chrysler og er nú að reyna að eignast fyrirtækið að fullu. 

Mest lesið




×

Mest lesið