Pellegrini: Mikilvægt skref í rétta átt

Man. City tryggði sér farseðilinn í sextán liða úrslit Meistaradeildarinnar í kvöld með öruggum 5-2 sigri á CSKA Moskva.

"Þetta var fyrsta skrefið í rétta átt hjá okkur. Þetta er mikilvægt skref hjá okkur því liðinu hefur ekki áður tekist að komast í sextán liða úrslit," sagði Manuel Pellegrini, stjóri City, eftir leik.

"Við viljum alltaf skora mörk og það var gott að skora mörg í kvöld. Við gáfum CSKA samt mark og það var ekki eins gott. Við erum að gefa of auðveld mörk.

"Nú viljum við vinna riðilinn og svo sjáum við hvað gerist í febrúar. Það skiptir engu máli hvaða liði við mætum. Allir andstæðingar verða erfiðir."