Suzuki SX4 S-CROSS fær 5 stjörnur í öryggisprófi

Nýi Suzuki SX4 S-CROSS jepplingurinn er í hópi öruggustu bíla í Evrópu, samkvæmt niðurstöðum úr nýjustu árekstrarkönnun Euro NCAP.

Hann fékk fullt hús stiga, 5 stjörnur, og var meðal stigahæstu bíla sem fengu 5 stjörnur í prófuninni.

SX4 S-CROSS kom sérstaklega vel út úr þeim þætti prófunarinnar sem snýr að öryggi gangandi vegfarenda. Hann fékk hámarkseinkunn í þessum nýja þætti í prófun Euro NCAP sem fyrst var framkvæmdur á þessu ári.

Í prófun Euro NCAP er nú gefin ein stjarna fyrir heildarútkomu og hámarkseinkunn er 5 stjörnur. Fjöldi stjarna endurspeglar árangur

bílsins á fjórum sviðum, þ.e. vernd fyrir fullorðna farþega, börn, vegfarendur og öryggisstoðkerfi.

Yfirbygging og öryggisbúnaður fyrir farþega í SX4 S-CROSS bjóða upp á hámarksvernd í hættulegum akstursaðstæðum sem upp kunna að koma. Bíllinn er hannaður til að uppfylla núgildandi og væntanlega öryggisstaðla.

Nýr SX4 S-CROSS er með svonefndri TECT-tækni Suzuki, (Total Effective Control Technology), sem felur í sér lága þyngd og aflögunarhæfni sem dregur úr áhrifum áreksturs á farþegarýmið. Yfirgripsmikil notkun á þanþolnu hástyrktarstáli í lykilþáttum yfirbyggingarinnar draga úr

þyngd hennar og auka árekstursþol bílsins umtalsvert.