Fyrsti sigur Stjörnumanna - úrslit kvöldsins í körfunni

Stjörnumenn unnu sinn fyrsta sigur í Dominos-deild karla í körfubolta í kvöld þegar þeir unnu sextán stiga sigur á Skallagrími en Valsmenn eru áfram stigalausir á botninum eftir átta stiga tap á móti Kanalausum Íslandsmeisturum Grindavíkur.

Justin Shouse átti frábæran leik með Stjörnunni en hann skoraði 32 stig og gaf 10 stoðsendingar að auki á félaga sína í 84-68 sigri á Skallagrími í Garðabænum. Garðbæingar höfðu tapað illa í fyrstu tveimur leikjum sínum en náðu að rífa sig upp í kvöld.

Jóhann Árni Ólafsson átti mjög góðan leik þegar kanalausir Grindvíkingar unnu 78-70 sigur á Valsmönnum. Grindavíkurliðið vann fyrsta leikhlutann 31-18 en Valsmenn gáfust ekki upp og héngu í heimamönnum þótt að sigurinn hafi ekki verið í mikilli hætti.

KR-ingar héldu áfram sigurgöngu sinni í Stykkishólmi í kvöld þegar liðið vann fimmtán stiga sigur á heimamönnum í Snæfelli, 99-84. KR-liðið hefur þar með unnið þrjá fyrstu leiki sína í deildinni í ár. Pavel Ermolinskij var með þrefalda tvennu (20 stig, 22 frákast og 13 stoðsendingar), Darri Hilmarsson skoraði 22 stig og Helgi Már Magnússon skoraði 16 af 25 stigum sínu í fyrri hálfleik.

Nýliðar Haukar unnu síðan frábæran 26 stiga sigur á ÍR en Haukarnir skoruðu 113 stig í Seljaskólanum í kvöld þar sem hinn ungi Kári Jónsson (sonur Jóns Arnars Ingvarssonar) skoraði 28 stig.



Úrslit og stigaskor í leikjum kvöldsins:

ÍR-Haukar 87-113 (30-26, 10-28, 22-26, 25-33)

ÍR: Matthías Orri Sigurðarson 33/9 fráköst, Sveinbjörn Claessen 21/4 fráköst, Björgvin Hafþór Ríkharðsson 10/7 fráköst, Terry Leake Jr. 10/6 fráköst, Hjalti Friðriksson 7/6 fráköst, Friðrik Hjálmarsson 3, Sæþór Elmar Kristjánsson 2, Birgir Þór Sverrisson 1.

Haukar: Terrence Watson 29/11 fráköst/3 varin skot, Kári Jónsson 28/4 fráköst, Haukur Óskarsson 25, Emil Barja 7/11 fráköst/9 stoðsendingar, Kristinn Marinósson 7, Kristján Leifur Sverrisson 4, Sigurður Þór Einarsson 3, Hjálmar Stefánsson 3, Alex Óli Ívarsson 3, Svavar Páll Pálsson 2/5 fráköst, Þorsteinn Finnbogason 2.



Snæfell-KR 84-99 (20-21, 15-26, 17-22, 32-30)

Snæfell: Kristján Pétur Andrésson 20, Vance Cooksey 18/6 fráköst/8 stoðsendingar, Pálmi Freyr Sigurgeirsson 9, Stefán Karel Torfason 9/9 fráköst, Sigurður Á. Þorvaldsson 8/4 fráköst, Jón Ólafur Jónsson 6/8 fráköst, Finnur Atli Magnússon 5, Hafþór Ingi Gunnarsson 5, Sveinn Arnar Davíðsson 4.

KR: Helgi Már Magnússon 25/6 fráköst, Darri Hilmarsson 22, Pavel Ermolinskij 20/22 fráköst/13 stoðsendingar, Brynjar Þór Björnsson 14/5 stoðsendingar, Ingvaldur Magni Hafsteinsson 8, Jón Orri Kristjánsson 7/5 fráköst, Þorgeir Kristinn Blöndal 3.



Stjarnan-Skallagrímur 84-68 (26-19, 18-12, 18-21, 22-16)

Stjarnan: Justin Shouse 32/4 fráköst/10 stoðsendingar, Dagur Kár Jónsson 15, Fannar Freyr Helgason 14/8 fráköst, Marvin Valdimarsson 11/6 fráköst/6 stoðsendingar, Kjartan Atli Kjartansson 6, Sæmundur Valdimarsson 6/4 fráköst.

Skallagrímur: Páll Axel Vilbergsson 16, Egill Egilsson 11/6 fráköst, Davíð Guðmundsson 9, Orri Jónsson 9, Davíð Ásgeirsson 7, Mychal Green 7/10 fráköst/6 stoðsendingar, Grétar Ingi Erlendsson 5/11 fráköst/3 varin skot, Sigurður Þórarinsson 4.

Grindavík-Valur 78-70 (31-18, 21-24, 15-15, 11-13)

Grindavík: Jóhann Árni Ólafsson 28/11 fráköst, Sigurður Gunnar Þorsteinsson 20/8 fráköst, Þorleifur Ólafsson 9, Hilmir Kristjánsson 7, Ólafur Ólafsson 7/9 fráköst, Jón Axel Guðmundsson 5/5 stoðsendingar, Jens Valgeir Óskarsson 2.

Valur: Chris Woods 27/21 fráköst, Birgir Björn Pétursson 12/9 fráköst, Benedikt Blöndal 9, Oddur Ólafsson 6/4 fráköst, Kristinn Ólafsson 6, Ragnar Gylfason 4, Guðni Heiðar Valentínusson 4, Benedikt Skúlason 2.