Risaeðlurnar snúa aftur

Jurassic World er nafn fjórðu kvikmyndarinnar í hinum vinsæla myndaflokki um Júragarðinn. Universal sendi frá sér tilkynningu um þetta í dag, og er áætlaður frumsýningardagur myndarinnar 12. júní 2015.

Myndin kemur í stað fimmtu myndarinnar í Pirates of the Caribbean-flokknum sem upphaflega átti að verða frumsýnd þennan dag, en framleiðslu hennar hefur verið frestað.

Það er leikstjórinn Colin Trevorrow sem leikstýrir Jurassic World en hann á aðeins eina kvikmynd að baki, gamanmyndina Safety Not Guaranteed, og hafa margir undrast leikstjóravalið. Sjálfur skrifar hann handritið ásamt Derek Connolly, Rick Jaffa og Amöndu Silver.