Yfirleitt ekki verið að drepa samkynhneigða

20. ágúst 2013 15:45

Jón Valur Jensson er einn af stofnmeðlimum Kristinna stjórnmálasamtaka sem hafa á netinu tekið afstöðu til margra álitamála um stjórnmál og siðferði.

Hann segir Jón Gnarr hafa móðgað og sært meirihluta Reykvíkinga sem eru kristnir þegar hann velti upp þeirri hugmynd að Jesús kunni að hafa verið samkynhneigður.

Hann segir samkynhneigða hafa það bara mjög gott á Íslandi og skilur ekki að ríki og borg skuli dæla peningum í Gay pride gönguna. Hann er andvígur því að samkynhneigðir njóti þeirra mannréttinda að fá að ganga í hjónaband og nefnir í því sambandi að blindir fái til dæmis ekki ökuréttindi.

Hann segir að það sé yfirleitt ekki verið að drepa neina samkynhneigða í Rússlandi og er ekki andsnúinn nýlegri lagasetningu þar í landi þar sem mannréttindi þeirra eru skert all verulega. Á þessu viðtali sést mjög greinilega hvers vegna Gleðigangan er jafn mikilvæg í dag og hún var fyrir 10 árum.

Harmageddon Video Skroll Harmageddon Video-kassi-lfid