Ef ég væri mjó - þá yrði ég kannski samþykkt

Margrét Gnarr fitnesskona með meiru, söngkona og Íslandsmeistari í Taekwondo skrifar á einlægan hátt á blogginu sínu um átröskunina sem hún þróaði með sér frá sex ára aldri til að vera samþykkt af skólafélögunum. Hér birtum við hluta úr pistlinum hennar. 

Þráði að vera samþykkt

„Ég tel mig hafa byrjað að þróa þennan sjúkdóm þegar ég var einungis 6 ára gömul.  Það var þá sem ég hélt að ég yrði að vera öðruvísi til að krökkum líki vel við mig," skrifar Margrét.

Sjúkdómurinn tók yfir

„Manneskja fær ekki átröskun ef hún keppir í fitness. Það að þróa með sér þennan hræðilega sjúkdóm kemur íþróttinni ekkert við heldur manneskjunni og hennar bakgrunni. Lystarstol og lotugræðgi eru sjúkdómar sem þú þróar með þér í langan tíma áður en hann tekur yfir líf þitt."

Þróaði með sér sjálfshatur

„Mér leið alveg hreint hræðilega á þessu tímabili. Ég fór að þróa með mér einhverskonar sjálfshatur og ég fór að trúa því að ég ætti ekkert betra skilið. Ég hugsaði oft með mér að ef ég væri mjó... þá yrði ég kannski samþykkt?"

Hjálpar öðrum konum með fjarþjálfun

„Ég sjálf býð uppá fjarþjálfun og tek að mér bæði stelpur sem vilja keppa í fitness og stelpur eða konur sem vilja komast í betra form og öðlast heilbrigðari lífsstíl," sagði Margrét á dögunum þegar við spurðum hana um leyndarmálið á bak við magavöðvana hennar.

Hægt er að lesa allt um þjálfun Margrétar hér: http://mgnarrthjalfun.blogspot.com

Lestu bloggið hennar Margrétar hér í heild sinni.