Íslendingurinn sem er að slá í gegn í Dexter

Darri Ingólfsson er búinn að koma sér á kortið í Hollywood.

Hlutverk hans í nýjustu seríunni af Dexter er ansi veigamikið og opnar vafalaust margar dyr fyrir leikarann sem hefur verið búsettur í Los Angeles síðastliðin fjögur ár.

Darri þekkti ekki nokkurn einasta mann í Hollywood þegar hann flutti út en með þrautsegju og harki hefur honum smátt og smátt tekist að koma sér inn á rétta fólkið og nú loksins er árangurinn farinn að skila sér.





"Ég fékk æðislegan umboðsmann sem heitir Jacob Israel, ég held að hann sé hluti af hinum útvöldu, segir Darri og hlær.“



Darri hefur á undanförnum árum leikið í fjölmörgum stuttmyndum, sjónvarpsmyndum og auglýsingum og ferilskráin hans er orðin nokkuð vegleg á kvikmyndavefnum IMDb.com.

Hann fékk lítið hlutverk í sjónvarpsþáttunum Last Resort sem sýndir voru í sjónvarpi í bandaríkjunum og Íslandi árið 2012 og fljótlega eftir það var honum boðið enn stærra hlutverk í Dexter, sem er með vinsælustu seríum í sjónvarpi í dag.



Ljóst er að Darri Ingólfsson er á hraðri leið með að verða íslensk stjarna í Hollywood.



Hægt er að hlusta á viðtalið við Darra hér að ofan.