Enginn fljótari en Bergþór og Lótus | Myndbönd

Heimsmeistararnir Bergþór Eggertsson og Lótus frá Aldenghoor náðu besta tímanum í fyrri umferðinni í 250 metra skeiði lokið á Heimsmeistaramóti íslenska hestsins í Berlín. Seinni umferðin fer síðan fram á morgun.

Bergþór Eggertsson og Lótus frá Aldenghoor fóru fyrri ferðina á 21,97 sekúndum og þann tíma náði enginn að bæta. Seinni ferðina fóru þeir félagar síðan á 22,86 sekúndum.

Hin þýska Marie Lange-Fuchs á Ómi frá Stav varð í öðru sæti á 22,28 sekúndum en í þriðja sætinu kom síðan hin danska Iben Katrine Andersen á Skuggi frá Hávarðarkoti en betri ferð hennar tók 22,33 sekúndur.

Guðlaug Marín Guðnadóttir á Toppi frá Skarði 1 varð næstbest hjá íslenska liðinu en þau fóru á 22,90 sekúndum í betri ferð sinni.

Seinni umferðin verður riðin á morgun og þá kemur í ljós hvort Bergþór og Lótus nái að verja heimsmeistaratitil frá árinu 2011.

Það er hægt að sjá öll úrslitin í forkeppninni inn á Hestafréttir.is eða með því að smella hér.

Hér fyrir neðan má síðan sjá tvö skemmtileg myndbönd af Hestafréttum.is, annarsvegar af spretti þeirra Bergþórs og Lótusar og hinsvegar af klappstýrum Begga.