Bíó og sjónvarp

Fyrsta sýnishornið úr Íslandsmynd Ben Stiller

Tinni Sveinsson skrifar
Ben Stiller lendir í miklum ævintýrum í myndinni.
Ben Stiller lendir í miklum ævintýrum í myndinni.
Fyrsta sýnishornið úr kvikmyndinni The Secret Life of Walter Mitty var birt í dag, en stór hluti myndarinnar var tekinn hér á landi í fyrra.



Myndin, sem er væntanleg til sýninga síðar á árinu, er byggð á samnefndri skáldsögu eftir James Thurber sem var áður kvikmynduð árið 1947.



Það er Ben Stiller sem leikstýrir myndinni og fer með titilhlutverkið. Undir sýnishorninu hljómar lagið Dirty Paws með íslensku sveitinni Of Monsters and Men.

Í sýnishorninu má sjá íslenska náttúru njóta sín til hins ítrasta.

Myndin segir frá Walter Mitty, sem beitir dagdraumum til að komast í gegnum tilbreytingarlausan hversdagsleika sinn. Líf hans tekur hins vegar stakkaskiptum þegar hann kynnist dularfullri konu sem lætur hann hafa svarta bók.

Hún er sögð vera leiðarvísirinn að djásnum hollensku konungsfjölskyldunnar sem nasistar földu undir lok seinni heimsstyrjaldarinnar. Í endurgerðinni eru krúnudjásnin falin á Íslandi. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.