Mickelson með ótrúlegt innáhögg

Kylfingurinn Phil Mickelson undirbýr sig nú af krafti fyrir Opna breska meistaramótið sem hefst á fimmtudaginn.

Mótið fer fram á Muirfield-vellinum í Skotlandi en Bandaríkjamaðurinn sýndi heldur betur listir sínar á æfingahring í gær.

Mickelson átti fyrir höndum stutt högg inn á flöt en kylfingurinn sló í öfuga átt frá flötinni og að pinna, gjörsamlega ótrúlegt högg.

Phil Mickelson varð annar á Opna breska meistaramótinu árið 2011 en það er hans besti árangur á mótinu.

Hér að ofan má sjá þetta stórkostlega högg frá Phil Mickelson.