Helminga verðið í Alviðru

Alviðrustofnunin og Stangaveiðifélag Reykjavíkur ætla að lækka verð veiðileyfa í Alviðru í Sogi um allt að helming í sumar.

„Stangaveiðifélag Reykjavíkur í samstarfi við Alviðrustofnun hefur ákveðið að lækka verð veiðileyfa í Alviðru í Sogi um 40 til 50 prósent næsta sumar," segir á Facebook-síðu SVFR:

„Þetta á við um veiðileyfi í júní, ágúst og september. Leyfin eru aðgengileg nú þegar á heimasíðu SVFR. Félagið þakkar Alviðrustofnun þetta framtak og samstarfsvilja og hvetur veiðimenn til þess að nota nú tækifærið," segir í tilkynningunni.

Minna má á að Lax-á hefur þegar lækkað verð leyfa á Tannastaðatanga í Sogi um 40 prósent fyrir sumarið.