Gunnhildur fagnaði sigri eftir bráðabana í Þorlákshöfn

Í dag lauk fyrsta móti sumarsins á Íslandsbankamótaröð unglinga í golfi sem fram fór á Þorláksvelli í Þorlákshöfn. Leikið var í þremur aldursflokkum hjá báðum kynjum.

Aron Snær Júlíusson úr Golfklúbbi Kópavogs og Garðabæjar fagnaði öruggum sigri í piltaflokki, 17-18 ára. Hann lék vel í dag við erfiðar aðstæður, á 71 höggi eða pari vallarins. Hann varð níu höggum betri en Egill Ragnar Gunnarsson úr GKG og Ragnar Már Garðarsson úr GKG varð þriðji.

Mikil spenna var í stúlknaflokki 17-18 ára. Gunnhildur Kristjánsdóttir og Særós Eva Óskarsdóttir, báðar úr GKG, fóru í bráðabana um sigurinn eftir að hafa báðar leikið á 16 höggum yfir pari. Gunnhildur hafði betur og bar því sigur úr býtum. Anna Sólveig Snorradóttir úr GK varð þriðja.

Í telpnaflokki, 15-16 ára, vann Ragnhildur Kristinsdóttir öruggan 19 högga sigur og í stelpuflokki 14 ára og lék Ólöf María Einarsdóttir úr Golfklúbbnum Hamri á Dalvík best og vann með 10 höggu mun. Hér að neðan má sjá öll hestu úrslit í mótinu.

Lokastaða efstu kylfinga í piltaflokki, 17-18 ára:

1. Aron Snær Júlíusson, GKG 74-71=145 +3

2. Egill Ragnar Gunnarsson, GKG 73-81=154 +12

3. Ragnar Már Garðarsson, GKG 75-81=156 +14

Lokastaða efstu kylfinga í stúlknaflokki, 17-18 ára:

1. Gunnhildur Kristjánsdóttir, GKG 81-77=158 +16

2. Særós Eva Óskarsdóttir, GKG 76-82=158 +16

3. Anna Sólveig Snorradóttir, GK 82-79=161 +19

Lokastaða efstu kylfinga í telpnaflokki, 17-18 ára:

1. Ragnhildur Kristinsdóttir, GR 74-75=149 +7

2. Birta Dís Jónsdóttir, GHD  88-80=168 +26

3.-4. Hafdís Alda Jóhannsdóttir, GK 89-86=175 +33

3.-4. Saga Traustadóttir, GR 82-93=175 +33

Lokastaða efstu kylfinga í stelpuflokki, 14 ára og yngri:

1. Ólöf María Einarsdóttir, GHD 83-87=170 +28

2. Gerður Hrönn Ragnarsdóttir, GR 89-91=180 +38

3. Sóley Edda Karlsdóttir, GR 92-97=189 +47