Breytt fyrirkomulag í Tungufljóti í Biskupstungum

Lax-á hefur ákveðið að breyta veiðifyrirkomulaginu í Tungufljóti í Biskupstungum. Seldir verða stakir dagar, frá morgni til kvölds og mun því ekkert veiðihús fylgja leyfunum.

„Við höfum ákveðið að selja Tungufljót í Biskupstungum frá morgni til kvölds og hafa leyfin stórlækkað frá sumrinu á undan," segir á vefsíðu Lax-á. „Ekkert hús fylgir seldum veiðileyfum en ef menn óska er hægt að leigja veiðihús okkar sem er staðsett við Geysi eða í um 12 mínútna akstursfjarlægð frá fossinum Faxa."

trausti@frettabladid.is