Rosberg og Hamilton fremstir á Spáni

Mercedes-liðið mun ræsa báða bílana sína á fremstu tveimur rásstöðunum í spænska kappakstrinum á morgun. Nico Rosberg náð ráspól í tímatökunum og Lewis Hamilton varð annar. Heimsmeistarinn Sebastian Vettel verður þriðji.

Tímartakan var áhugaverð. Pastor Maldonado á Williams var stjarnan í tímatökum og keppni hér í fyrra en komst ekki upp úr fyrstu tímatökulotunni og var meira að segja á eftir liðsfélaga sínum Valtteri Bottas, í átjánda sæti.

Sem fyrr en Kimi Raikkönen aldrei langt undan. Hann ræsir kappaksturinn í Lotus-bílnum í fjórða sæti á undan Ferrari-mönnunum Fernando Alonso og Felipe Massa. Þar á eftir, í sjöunda sæti verður Romain Grosjean í hinum Lotus-bílnum.

Athygli vakti að Sergio Perez komst upp úr annari tímatökulotunni en liðsfélagi hans, Jenson Button, ekki. Perez náði á endanum níunda besta tíma í nýuppfærðum McLaren en Button varð að láta sér fjórtanda sætið duga.

Button er á eftir báðum Force India-bílunum og Toro Rosso-bílunum. Í humátt á eftir koma Sauber-bílar með Nico Hulkenberg í forystu.

Í botnslagnum hefur Giedo van der Garde á Caterham forskot á liðsfélaga sinn og Marussia-mennina. Van der Garde ræsir nítjándi á eftir Williams-bílunum tveimur.

Kappaksturinn á Spáni fer fram á morgun og er sýndur í beinni útsendingu á Stöð 2 Sport. Kappaksturinn hefst á slaginu 12.

Rásröðin í kappakstrinum

table { }td { padding-top: 1px; padding-right: 1px; padding-left: 1px; color: black; font-size: 12pt; font-weight: 400; font-style: normal; text-decoration: none; font-family: Calibri,sans-serif; vertical-align: bottom; border: medium none; white-space: nowrap; }.xl63 { text-align: center; }

Nr.	Ökuþór	Lið	Tími
1	Nico Rosberg	Mercedes	1'20.718
2	Lewis Hamilton	Mercedes	1'20.972
3	Sebastian Vettel	Red Bull/Renault	1'21.054
4	Kimi Räikkönen	Lotus/Renault	1'21.177
5	Fernando Alonso	Ferrari	1'21.218
6	Felipe Massa	Ferrari	1'21.219
7	Romain Grosjean	Lotus/Renault	1'21.308
8	Mark Webber	Red Bull/Renault	1'21.570
9	Sergio Pérez	McLaren/Mercedes	1'22.069
10	Paul Di Resta	Force India/Mercedes	1'22.233
11	Daniel Ricciardo	Toro Rosso/Ferrari	1'22.127
12	Jean-Eric Vergne	Toro Rosso/Ferrari	1'22.166
13	Adrian Sutil	Force India/Mercedes	1'22.346
14	Jenson Button	McLaren/Mercedes	1'22.355
15	Nico Hülkenberg	Sauber/Ferrari	1'22.389
16	E.Gutiérrez	Sauber/Ferrari	1'22.793
17	Valtteri Bottas	Williams/Renault	1'23.260
18	Pastor Maldonado	Williams/Renault	1'23.318
19	G.van der Garde	Caterham/Renault	1'24.661
20	Jules Bianchi	Marussia/Cosworth	1'24.713
21	Max Chilton	Marussia/Cosworth	1'24.996
22	Charles Pic	Caterham/Renault	1'25.070