Rafael Nadal að finna sitt gamla form

Rafael Nadal vann í dag opna Madrid-mótið í tennis í þriðja sinn í dag eftir að hafa lagt Stanislas Wawrinka, 6-2 og 6-4 í úrslitum mótsins.

Viðureingin var aldrei spennandi og fór Nadal auðveldlega í gegnum Svisslendinginn í tveimur settum.

Nadal vann því sinn 55. titil í tennismótaröðinni og  er óðum að finna sitt gamla form eftir að hafa glímt við meiðsli í hné.

Þetta er fimmti titill kappans eftir að hann kom til baka vegna meiðsla og útlitið að verða nokkuð gott fyrir Spánverjann.