Falur nýr formaður í Keflavík - Guðjón og Albert kom inn í stjórn

Falur Jóhann Harðarson, margfaldur Íslandsmeistari með Keflavík sem bæði leikmaður og þjálfari, er tekinn við sem formaður Körfuknattleiksdeildar Keflavíkur en þetta kemur fram á heimasíðu félagsins.

Falur var kosinn á sérstökum Aukaaðalfundi Körfuknattleiksdeildar Keflavíkur í gærkvöldi. Fyrrum liðsfélagar hans úr Íslandsmeistaraliðum Keflavíkur, Guðjón Skúlason og Albert Óskarsson, koma einnig inn í stjórnina.

Falur mun taka við formannshlutverkinu af Hermanni Helgasyni sem kveður stjórnina eftir þrettán ára stjórnarsetu. Birgir Már Bragason gaf einnig ekki kost á sér í stjórn lengur, en hann hefur setið í stjórn frá 1997.

Meðstjórnendur í stjórn KKD Keflavíkur 2013-2014 eru eftirfarandi:

Albert Óskarsson

Guðjón Skúlason

Margeir Einar Margeirsson

Sævar Sævarsson

Varastjórn í KKD Keflavíkur 2013-2014 er eftirfarandi:

Ólafur Ásmundsson

Sigurður Markús Grétarsson

Davíð Þór Jónsson

Anna Pála Magnúsdóttir