Andstæðingur Mayweather handtekinn með byssu á flugvelli

Það verður væntanlega ekkert af því að Floyd Mayweather Jr. berjist við Robert Guerrero þann 4. maí. Guerrero var handtekinn á JFK-flugvellinum í New York með byssu.

Guerrero var með óhlaðna byssu og þrjú skothylki er hann var handtekinn í gær. Hann gæti átt yfir höfði sér allt að fjögurra ára fangelsi fyrir athæfið.

Hvernig sem fer með allt þetta mál má telja næsta víst að fresta þarf bardaganum. Takmarkaður líkur eru á því að hann verði laus í tíma fyrir bardagann og svo mun þessi handtaka setja allan undirbúning í uppnám.

Enn hefur ekki heyrst neitt frá talsmönnum Guerrero um málið.