Lotus á toppnum eftir fyrstu æfingar

Kimi Raikkönen, ökuþór Lotus-liðsins í Formúlu 1, varð fljótastur á æfingum dagsins í Jerez í dag. Þetta var síðasti æfingadagurinn í Jerez af fjórum.

Tími Raikkönen var örlítið betri en tími Jules Bianchi á Force India-bíl en sá hafði vermt efsta sæti listans nánast allan daginn. Bianchi var talinn vera líklegur kandídat í annað keppnissæti liðsins en Force India hefur aðeins tryggt sér starfskrafta Paul di Resta fyrir keppnistímabilið 2013.

Sebastian Vettel ók Red Bull-bíl sínum 0,4 sekúndum hægar en Raikkönen um Jerez-brautina og varð þriðji. Lewis Hamilton ók Mercedes-bílnum í dag og fékk eitthvað fyrir sinn snúð í fyrsta sinn því bíllinn bilaði ekki eins og síðast. Hamilton varð sjötti í röðinni.

Annars var æfingin hljóðlát og gekk vel fyrir sig. Liðin einbeittu sér að lengri vegalengdum og nýliðarnir fengu tækifæri til að átta sig á því hvernig Pirelli-dekkin virka.

Barcelona er næsti áfangastaður á æfingadagatalinu í ár. Þar hefjast æfingar 19. febrúar og standa í fjóra daga.

Bestu tímar dagsins

P	Ökuþór	Lið	Tími	Bil
1	Raikkonen	Lotus	1:18,148
2	Bianchi	Force India	1:18,175	0,027
3	Vettel	Red Bull	1:18,565	0,417
4	Gutierrez	Sauber	1:18,669	0,521
5	Vergne	Toro Rosso	1:18,760	0,612
6	Hamilton	Mercedes	1:18,905	0,757
7	Perez	McLaren	1:18,944	0,796
8	Bottas	Williams	1:19,851	1,703
9	de la Rosa	Ferrari	1:20,316	2,168
10	Pic	Caterham	1:21,105	2,957
11	Razia	Marussia	1:21,226	3,078
12	Di Resta	Force India	1:23,435	5,287