Belcher skaut kærustuna níu sinnum

Lögreglan í Kansas hefur gefið það út að Jovan Belcher, leikmaður Kansas City Chiefs, hafi verið drukkinn er hann myrti barnsmóður sína og skaut síðan sjálfan sig.

Þessi hörmungarsaga átti sér stað þann 1. desember síðastliðinn. Belcher skaut kærustuna sína níu sinnum. Keyrði síðan á heimavöll Kansas þar sem hann þakkaði þjálfara og framkvæmdastjóra félagsins fyrir tækifærið áður en hann svipti sig lífi.

Lögreglan er að fara yfir málið og skoða hvort hún hefði getað brugðist öðruvísi við á einhvern hátt í þessum mikla harmleik.