Stundargaman Dætrasona Trausti Júlíusson skrifar 25. ágúst 2012 21:00 Dætrasynir. Á ferð og flugi. Útgefandi: Blokkin. Dætrasynir er tríó skipað Baldri Ragnarssyni sem einnig er meðlimur í Skálmöld, Ljótu hálfvitunum og Innvortis, Lofti S. Loftssyni úr hljómsveitinni Hraun og Flosa Þorgeirssyni úr ofursveitinni Ham. Þeir semja allt efni fyrstu plötunnar sinnar, Á ferð og flugi, nema lokalagið sem er ný útgáfa af Gullinu á Raufarhöfn, en það er gamall erlendur rokk-slagari með texta eftir Þorstein Eggertsson sem Lúdó og Stefán gerðu vinsælan einhvern tíma á síðustu öld. Tónlist Dætrasona er léttleikandi sambland af kántrí, rokkabillýi og poppi. Textarnir, sem fjalla flestir um kvennafar, eru mjög húmorískir og skemmtilegir. Platan ber nafn með rentu. Dætrasynir eltast við stelpur út um allt land: Brú í Hrútafirði, Stykkishólmur, Heimaey, Bolungarvík, Staðastaður, Hallormsstaðaskógur og meira að segja Öskjuvatn eru allt sögusvið texta, að ógleymdri Sundahöfninni. Þetta er létt og hress plata. Lögin eru mörg ágæt, en önnur eru síðri. Dætrasynir eru greinilega fyrst og fremst að hugsa um að skemmta sjálfum sér (og öðrum), og það tekst ágætlega, þó að platan risti ekki djúpt. Ekki frekar en annað stundargaman. Niðurstaða: Dætrasynir skemmta sjálfum sér– og öðrum. Mest lesið „Grunar að hann hafi bara vitað upp á hár hvað væri að fara að gerast“ Lífið Ein heitasta söngkona landsins á lausu Lífið Samfélagsmiðlar sýna ekki einmanaleikann Lífið Tuttugu ára aldursmunur og ástin blómstrar Lífið Stjörnubarnið komið í heiminn Lífið Óþekkjanleg stjarna Bíó og sjónvarp Svona verða stórtónleikar Kaleo í Vaglaskógi Lífið Ástin sveif yfir ítölskum vötnum Lífið Devin Booker á Íslandi Lífið Skotheld og skemmtileg hlauparáð Lífið Fleiri fréttir Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta Sjá meira
Dætrasynir. Á ferð og flugi. Útgefandi: Blokkin. Dætrasynir er tríó skipað Baldri Ragnarssyni sem einnig er meðlimur í Skálmöld, Ljótu hálfvitunum og Innvortis, Lofti S. Loftssyni úr hljómsveitinni Hraun og Flosa Þorgeirssyni úr ofursveitinni Ham. Þeir semja allt efni fyrstu plötunnar sinnar, Á ferð og flugi, nema lokalagið sem er ný útgáfa af Gullinu á Raufarhöfn, en það er gamall erlendur rokk-slagari með texta eftir Þorstein Eggertsson sem Lúdó og Stefán gerðu vinsælan einhvern tíma á síðustu öld. Tónlist Dætrasona er léttleikandi sambland af kántrí, rokkabillýi og poppi. Textarnir, sem fjalla flestir um kvennafar, eru mjög húmorískir og skemmtilegir. Platan ber nafn með rentu. Dætrasynir eltast við stelpur út um allt land: Brú í Hrútafirði, Stykkishólmur, Heimaey, Bolungarvík, Staðastaður, Hallormsstaðaskógur og meira að segja Öskjuvatn eru allt sögusvið texta, að ógleymdri Sundahöfninni. Þetta er létt og hress plata. Lögin eru mörg ágæt, en önnur eru síðri. Dætrasynir eru greinilega fyrst og fremst að hugsa um að skemmta sjálfum sér (og öðrum), og það tekst ágætlega, þó að platan risti ekki djúpt. Ekki frekar en annað stundargaman. Niðurstaða: Dætrasynir skemmta sjálfum sér– og öðrum.
Mest lesið „Grunar að hann hafi bara vitað upp á hár hvað væri að fara að gerast“ Lífið Ein heitasta söngkona landsins á lausu Lífið Samfélagsmiðlar sýna ekki einmanaleikann Lífið Tuttugu ára aldursmunur og ástin blómstrar Lífið Stjörnubarnið komið í heiminn Lífið Óþekkjanleg stjarna Bíó og sjónvarp Svona verða stórtónleikar Kaleo í Vaglaskógi Lífið Ástin sveif yfir ítölskum vötnum Lífið Devin Booker á Íslandi Lífið Skotheld og skemmtileg hlauparáð Lífið Fleiri fréttir Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta Sjá meira